Айырбастау-резерв қоры – Қазақстан Республикасы Ұлттық кітапханасының кітап қорын сақтау қызметінің құрылымдық бөлімшесі, ол Айырбастау-резерв қоры туралы Ережеге сәйкес қызмет атқарады. Айырбастау-резерв қоры қазақ, орыс және шет тілдеріндегі әмбебап мазмұнды 77 000 дана құжатты құрайды. Қордағы қоғамдық-саяси такырыптағы, тіл білімі, жаратылыстану, техника, медицина, өнер саласындағы, тарихи, көркем әдебиеттер түпнұсқаның қосалқы данасы болып табылады. Қор Қазақстан, ТМД және әлем елдері кітапханаларының қорларын толықтыруға, сондай-ақ тең айырбасқа (Қазақстан Республикасы Ұлттық кітапханасының қорында жоқ басылымдар), заңды және жеке тұлғаларға беруге арнап жасақталған.